Ylli i popit Robbie Williams nuk ka më të njëjtën pamje si kur u bë i famshëm në moshë të re. Këngëtari tani ka treguar se si kjo ka ndikuar tek ai dhe si kanë ndryshuar ndjenjat e tij për kirurgjinë estetike. Në një intervistë për The Sun ai u shpreh se:
‘Kërkimi për përsosmërinë estetike dhe presioni i industrisë së madhe të argëtimit mund të çojë në vendime ekstreme’
Williams i referohet kukullës së famshme Barbie, simbol i bukurisë dhe përsosmërisë së paarritshme, për të reflektuar mbi fenomenin e kirurgjisë plastike.
‘Të gjithë shikojnë operacione plastike të këqija dhe thonë ‘Zot, jo, mos e bëj këtë’, por askush nuk sheh operacione plastike të mira sepse nuk njihen’
Artisti foli për luftën e tij me dismorfinë e trupit dhe ndau dëshirën e tij për të bërë disa rregullime në pamjen e tij.
‘Dua të bëj pak botox në sytë e mi, pasi dukem sikur kam sy të zbrazët’
Williams ka folur hapur për betejën e tij me dismorfinë trupore, një çrregullim mendor në të cilin një person është i fiksuar pas defekteve të perceptuara në pamjen e tij. Vetë Williams ka treguar se si kjo gjendje e ka shoqëruar atë për pjesën më të madhe të jetës së tij dhe si ndikon në perceptimin e tij për veten. Presioni i vazhdueshëm në industrinë e argëtimit dhe lufta kundër standardeve joreale të bukurisë mund t’i përkeqësojë këto ndjenja.
