Tolgahan Sayisman është një nga aktorët më të suksesshëm në Turqi dhe që ka luajtur në shumë filma e seriale të ndjekur, disa prej tyre të transmetuar edhe në Shqipëri.
Përveç kësaj ai gëzon goxha simpati në vendin tonë edhe prej martesës me bukuroshen shqiptare Almeda Abazi.
Pak ditë më parë u raportua se Tolgahan do të rikthehet në ekranin shqiptar, por me një serial të ri, në një tjetër televizion.
Atë do ta shohim në rol kryesor në serialin “Kampioni im”, që do transmetohet në TV Klan. Tolgahan do të quhet Firat dhe do të jetë një boksier i talentuar.
Ndërkohë, aktori turk filloi regjistrimet e një seriali të ri me titullin “Seref Sozu”, që fatkeqësisht nuk ka shkuar si duhet. Ai nuk ka patur suksesin e pretenduar dhe do finalizohet me episodin e katërt.
Mendohet se shkak është bërë transmetimi në një fashë orare me seriale si “Osmani”, “Trokit në derën time”, “Sadakatsiz”, etj.
Vetë aktori nuk ka reaguar rreth këtyre lajmeve, por me siguri nuk e ka pritur aspak mirë.
