Mbrëmjen e kaluar fatkeqësisht u rrënua bukuria e një prej thesareve kulturore të Francës, Katedralja e Notre Dame de Paris.
Mirëpo përgjatë një deklarate mediatike, presidenti i Francës Emmanuel Macron deklaroi se do të mblidhen fondet e nevojshme që Katedralja të rindërtohet.
Ndërkohë aktualisht miliarderi francez François-Henry Pinault i cili është pronar i Kering group, ku bëjnë pjesë linjat e famshme të modës, Gucci dhe Yves Saint Laurent, në mënyrë që të mundësohet rindërtimi i Katedrales ka ofruar 100 milionë euro.
Raportohet se zjarri ka nisur si pasojë e një restaurimi që po bëhej në pjesën e sipërme të ndërtesës.
Kësisoj është shkrumbuar ndërtesa 850-vjeçare e cila për vite me radhë është vizituar nga miliona turistë nga e gjithë bota. /balkanweb.com
