Dafina Zeqiri publikoi një javë më parë të gjitha detajet nga albumi i saj i shumëpritur, “Dafinë Moj”. Ajo zbuloi të gjitha detajet përfshirë titujt e këngëve dhe duetet që ka realizuar për të. Mes tyre bie në sy fakti se Dafina do të sjellë edhe një bashkëpunim me Tunën. Kjo është hera e parë që këngëtaret bashkojnë sërish forcat pas armiqësisë së tyre që zgjati për disa vite.
Ashtu siç kishte premtuar, Dafina Zeqiri ka realizuar edhe një këngë me nënën e saj, Melihate Zeqiri, e cila ka qenë këngëtare shumë vite më parë. Po ashtu ajo ka bashkëpunuar edhe me partnerin e saj, Dj Geek e artisten tjetër Argjentina Ramosaj. Në total Dafina numëron 14 këngë për albumin e ri dhe 10 prej tyre janë duete.
Pa u publikuar ende albumin, Dafina ka vendosur të ndërmarrë një nismë shumë humane. Ajo ka zbuluar se të gjitha paratë që do të mblidhen nga shitja e albumit “Dafinë Moj” do t’ju jepen rasteve sociale që trajtohen në një shoqatë autizmi në Prishtinë dhe degëve të saj.
“Sot si përfaqësues i Moneyz Music menaxheri/CEO vizitoi Shoqatën e Autizmit, me qëllimin për t’ju kumtuar se të gjitha të hollat që do të mbledhin nga shitja fizike e albumit ‘Dafinë Moj’ do t’i dedikohen rasteve sociale që trajtohen në shoqatën autizmi në Prishtinë dhe degëve të saj në Lipjan, Podujevë e Prizren. Në këto kohëra të vështira, të gjithë mund të jemi afër njëri-tjetrit me kauza të ndryshme.
Jam shumë krenar për ty Pëllumb, për gjithë skudrën e Monyez dhe fansat! Zoti është i mirë!”, shkruan ajo në një postim në Instastory.
