Emma Watson është rikthyer në rrjete sociale pas 9 muajsh mungesë për t’ju përgjigjur disa thashethemeve në lidhje me jetën dhe karrierën e saj. Aktorja e “The Bling Ring” bëri disa postime në “Twitter” për të treguar se si qëndron e vërteta në lidhje me spekulimet se ajo është fejuar me të dashurin e saj, Leo Robinton. Gjithashtu këto kohë është përfolur se ajo ka hequr dorë nga aktrimi, por sipas aktores asnjë nga këto nuk është e vërtetë.
“Thashethemet nëse jam fejuar apo jo, apo nëse karriera ime do të marrë fund apo jo, janë mënyra për të marrë klikime sa herë që zbulohet nëse është apo jo e vërtetë. Nëse unë kam lajm, ju premtoj se do e ndaj me ju”, ka shkruar Emma në një postim.
Dear Fans,
Rumours about whether I’m engaged or not, or whether my career is “dormant or not” are ways to create clicks each time they are revealed to be true or untrue.— Emma Watson (@EmmaWatson) May 17, 2021
“Ndërkohë ju lutem mos prisni asnjë lajm nga unë. Jam duke kaluar pandeminë në të njëjtën mënyrë si po e kalojnë pjesa më e madhe e njerëzve, duke dashur që të bëj brumë për bukë, duke u kujdesur për të dashurit e mi dhe duke bërë më të mirën time për të mos shpërndarë virusin që po vazhdon të prekë ende shumë njerëz.
Ju dërgoj shumë dashuri të gjithëve, shpresoj të jeni mirë dhe të lumtur në këtë kohë të çuditshme. Dhe njëherë faleminderit gjithë atyre që punojnë fort për të na mbajtur ne të sigurt dhe mirë”, është shprehur Watson.
