Teksa të gjithëve na qan syri për të dalë pak vetëm sa të marrim ajër jashtë shtëpie, Arbana Osmani ka publikuar një foto e cila na bëri zili të gjithëve.
Moderatorja ka shfrytëzuar ditën e pushimit dhe motin e ngrohtë për të udhëtuar drejt plazhit dhe nga aty ka publikuar një foto e cila është shoqëruar me qindra komente nga ndjekësit.
Të shumtë janë ata që i vënë në dukje rregullat e karantinimit, madje thonë se ajo po e shfrytëzon postin e saj për të përfituar dhe të dalë e lirë.
Disa të tjerë ironizojë duke thënë se qeveria duhet të shtojë një rregull tjetër dhe të në të përfshihen të gjithë ata që dëshirojnë të shkojnë drejt plazhit.
Por, për këto komente Arbana Osmani pati një përgjigje të shkurtër duke u munduar të sqarojë situatën, por duket se fjalët e saj kanë ngjallur edhe më shumë komente.
Moderatorja tha se ajo ka shtëpinë në plazh dhe prandaj ka shfrytëzuar mundësinë për të shkuar.
Por këtu ka diçka!
Në lejen që mund të marrësh për të dalë, përfshihen vetëm raste serioze, si përshembull blerja e ushqimeve, ilaçeve apo arsye shëndetësore.
Daljet për qejf janë kategorikisht të ndaluara, pasi nuk mund të rrezikohet jeta as e personit që po del as e të tjerëve përrreth.
Pasi në shumë raste, personat e infektuar nuk shfaqin simptoma, ndonëse mund të jenë të prekur nga COVID-19.
Prandaj, u vendosën masat e izolimit dhe distancimit social. Pasi edhe nëse ruhet vetë, mund të ketë kontakt me një objekt ose sipërfaqe të ndryshme dhe ta kontaminojë.
Gjithashtu, në rregullat e karantinimit thuhet se njerëzit duhet të izolohen në shtëpitë e tyre parësore dhe jo të shëtisin nëpër qytetet e tjera.
Megjithatë, në kundërshtim me rregullat e bëra të qarta prej javësh, Arbana vendosi të udhëtonte drejt bregdetit dhe bëri një veprim aspak të këshillueshëm.
Mjafton të kujtojmë blogeren e njohur amerikane, Arielle Charnas, e cila bëri një veprim të tillë dhe tashmë karriera e saj është e shkatërruar.
Ajo ishte e infektuar me koronavirus, kishte simptoma të lehta dhe në mënyrë të papërgjegjshme udhëtoi nga New York drejt shtëpisë së saj në Hamptons për të kaluar ditët e saj të karantinës.
Ajo e publikoi foton në rrjetet sociale dhe kaq mjaftoi që kompania për të cilën punonte “Nordstrom” t’i shkëpusë kontratën pasi ajo përcillte një mesazh negativ tek ndjekësit e saj.
Në këtë mënyrë, Arielle kthehej në burim infektimi edhe për qytetin ku ajo udhëtoi.
Të shumtë janë ata që e akuzojë për përhapje të koronavirusit, pasi në Hamptons në kohën kur ajo udhëtoi nuk kishte asnjë rast pozitiv.
Blogerja, ashtu si dhe Arbana bëri gafën e madhe që e promovoi një gjë të tillë në rrjetet sociale si të ishte diçka normale në sytë e mijëra ndjekësve të cilët e marrin për të mirëqenë një gjë të tillë.
Prandaj ndjekës të shumtë, me të drejtë kanë argumentuar: Nëse të gjithë ata që kanë një shtëpi në bregdet do të bënin të njëjtën gjë, çfarë ndodh?
Kujtojmë ndërkohë që Arbana ka qenë ndër të parët personazhe publike që kanë bërë mesazhe ndërgjegjesuese për mënyrat se si duhet të mbrohemi nga epidemia, keshilla që mesa duket nuk i ndjek as vetë.
