Ndonëse duket se nata e sotme ka mbledhur më pak protestues se netët e mëparshme, është për tu vlerësuar fakti se protestës këtë të hënë i janë bashkuar grupmosha të ndryshme.
Sakaq, në sheshin Skënderbej janë kryer kontrolle të shumta të të rinjve, një mënyrë për t’i ndaluar për t’u grupuar, ndërkohë që efektivë policie ka të pranishëm në çdo institucion.
Ditën e sotme, ndryshe nga ditët e tjera protesta për vrasjen e Klodian Rashës është e qetë. Qytetarët filimisht janë mbledhur tek sheshi e më pas kanë marshuar drejt Kryeministrisë dhe nuk kanë përdorur sende të forta e nuk kanë shkatëruuar tabelat apo stacionet e autobuzëve.
Po ashtu, qytetarët nuk janë përplasur me policinë dhe kjo e fundit nuk ka përdorur gazlotsjellës dhe ujë për t’i shpërndarë.
Prej 6 ditësh tashmë, qytetarët e Tiranës po organizojnë një protestë në nder të Klodian Rashës i cili u vra pabesisht nga efektivi duke gdhirë e hëna. Revoltën e tyre qytetarët e kanë shprehur në djegie e shkatërrime objektesh, siç janë pema e Krishtlindjeve, apo koshat e mbeturinave.
Protesta ka patur edhe në qytetet e tjera, por ndryshe nga kryeqyteti, vihet re se kanë qenë më paqësore.
Kreu i qeverisë Edi Rama hoqi përgjegjësinë nga struktura e Policisë së Shtetit dhe e drejtoi atë vetëm te një individ, por në fakt qytetarët e dinë se kjo strukturë është e kalbëzuar, që nga hyrja në këtë strukturë, shmangia e përgjegjësisë, mostrajtimi i duhur në Akademinë e Policisë, etj.
E gjithë struktura nga Drejtoria e Policisë, te Shërbimi i Çështjeve të Brendshme dhe Ankesave deri tek Forcat Shqiponja, të gjithë drejtuesit duhet të largohen. Konkretisht, “iconstyle.al”, duke iu bashkuar nismës së protestuesve dhe kërkesës së tyre, kërkon largimin e :
-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit.
