Që kur ishte e vogël, mamaja e saj Kris Jenner dhe i ati Robert Kardashian, e kanë edukuar Khloe-n rreth seksit, duke ia bërë “gogol” këtë temë.
Në fakt, gjërat që prindërit i kanë treguar Khloe-s për marrëdhëniet seksuale, e kanë shoqëruar atë për një kohë të gjatë.
Prindërit i kishin treguar rreziqet e shtatzënive të padëshiruara dhe SST-ve (sëmundjeve seksualisht të transhmetueshme). Ndaj, Khloe kishte frikë se nëse do të kryente marrëdhënie, do t’i ndodhte patjetër diçka e tillë.
“Kisha frikë mos mbetesha shtatzënë. Prindërit më kishin frikësuar duke më treguar për çdo lloj rreziku. Më tregonin foto ku më prezantonin me herpesin, si dukej ai. Mendoja se nëse do të bëja seks, do merrja SST.”- ka treguar ajo.
Megjithatë, Khloe ka qenë vajzë me fat që ka pasur motra më të mëdha, prej të cilave ka dëgjuar më shumë për marrëdhëniet seksuale.
“Besoj se ka qenë më e thjeshtë prej Kim dhe Kourtney-it. Kur je fëmija i tretë, ke dëgjuar thuajse gjithçka dhe mendoj se prindërit e mi e kanë kaluar shokun e seksit para martese të vajzave para shumë kohësh. Kur motrat e mia bënin ato bisedat tipike mes vajzave isha gjithnjë mbrapa, duke i spiunuar në heshtje.”- ka thënë Khloe.
