Virusi vdekjeprurës i përhapur fillimisht në Wuhan të Kinës, Covid-19, ka përhapur panik në mbarë botën.
Për këtë arsye, shumë kompani ajrore kanë pezulluar fluturimet e tyre përkohësisht, për të shmangur rrezikun që i kanoset çdo vendi.
Dy kompani fluturimi në Britaninë e Madhe, “Ryanair” dhe “British Airways”, kanë pezulluar fluturimet me disa shtete, mes tyre edhe Shqipëria.
Dy kompanitë kanë anuluar fluturimet nga Gatwick drejt Italisë, Francës dhe Shqipërisë.
Nga aeroporti i Londrës janë anuluar fluturimet drejt Austrisë, Belgjikës, Irlandës, Zvicrës Gjermanisë, Francës, Italisë dhe New York-ut.
Sipas zëdhënësit të kompanisë “British Airways”, çdo klient do të njoftohet për fluturimet e anuluara dhe do të diskutohet për opsionet e tyre të udhëtimit.
