Princi William dhe Kate Middleton festojnë sot 13-vjetorin e martesës dhe me këtë rast kanë publikuar në Instagram një foto që është shkrepur në vitin 2011.
Ndonëse, shumë ndjekës shprehën urimet në përvjetorin e tyre, disa u trembën pasi princi dhe princesha e Uellsit, publikuan fotografinë bardhë e zi. Duke marrë parasysh situatën dhe gjendjen shëndetësore të Kate-it, kjo foto bardhë e zi ngjalli frikën tek shumë ndjekës që ka ndodhur diçka e keqe me ta.
Të shumta ishin komentet ku me të parë fotografinë e tyre, menduan se ka ndodhur diçka ters.
“Fotografia bardh e zi, kjo më frikëson”, shkroi një përdorues. “Mendova se kanë vdekur”, ishte një koment tjetër lidhur me këtë fotografi. Sidoqoftë, kishte edhe të atillë të cilët nuk e shihnin si diçka të keqe këtë fotografi në bardhë e zi, por duke marrë parasysh gjendjen shëndetësore të Kate-it ishte e dukshme që të kishte reagime paniku.
