Një tjetër shqiptare i është bashkuar listës së vajzave që kanë blerë superçizmet me gurë, si ato të “Saint Laurent”. Themi të ngjashme me ato, pasi jo të gjitha kanë mundësi të përballojnë çmimin prej 10 mijë eurosh që ofrohen në treg.
Enca Haxhia ka publikuar një foto me çizmet e preferuara të sezonit ndërsa ka bërë “tag” edhe dyqanin online ku i ka blerë. Përmes një kërkimi të thjeshtë online, Iconstyle.al zbuloi se çizmet që Enca ka veshur kushtojnë vetëm 85 dollarë dhe në pamje të parë janë ekzaktësisht të ngjashme me ato të “Saint Laurent”. Por nëse i sheh përballë të dyja palët, duket që ndryshojnë me origjinalet (majtas Saint Laurent). Megjithatë mund të themi se edhe me pak para, mund të shkëlqesh dhe Enca ia doli.
Shqiptarja e fundit, së cilës i pamë veshur çizmet e punuara me dorë “Saint Laurent” të mbuluara me mbi 3.000 kristale “Swarovski”, ishte këngëtarja Adelina Tahiri, e cila i mahniti fansat me blerjen e saj të re. Çizmet origjinale Saint Laurent me vlerën e 10 mijë dollarëve i pamë të veshura në këmbët e këngëtares (Lexo këtu), e cila me sa duket është një gjendje të mirë ekonomike për t’i bërë të sajat këto aksesorë të mahnitshëm dhe super të kushtueshëm.
