Chitetsu Watanabe, muajin tjetër mbush 113 vjeç dhe është shpallur si burri më i vjetër në botë nga “Guinness”, Libri i Rekordeve Botërore.
I moshuari jeton në Niigata të Japonisë dhe mendon se ka gjetur sekretin e jetëgjatësisë së tij.
Ai ka treguar se nuk zemërohet asnjëherë me njerëzit dhe përpiqet që gjithmonë të buzëqeshë.
Pra, Chitetsu thotë se kjo është lumturia më e madhe për një njeri, prandaj edhe ka jetuar aq gjatë.
Kur ishte i ri dhe i aftë për punë, 112-vjeçari punonte në një kompani që prodhonte sheqer.
Ai ka arritur që në vitin 1944 të marrë pjesë edhe në Luftën e Dytë Botërore.
I moshuari është ushqyer gjithmonë shëndetshëm dhe frutat kanë qenë pjesë e rëndësishme e dietës së tij.
Ndërkohë, gruaja më e vjetër në botë ka lindur në vitin 1903 dhe pak muaj më parë mori certifikatën si njeriu më i vjetër në botë.
