Në emisionin “Dua të të bëj të lumtur” mbrëmjen e kaluar u transmetua një histori mjaft delikate.
Ademi i cili ishte dashuruar me një vajzë të quajtur Besjana që në fillimet e lidhjes së tij të dashurisë kishte hasur pengesa nga prindërit.
Këto të fundit nuk ishin dakord që djali i tyre të martohej me të pasi kishin frikë se sëmundjen e nënës së Besjanës mund ta trashëgonin nipërit.
Mirëpo pavarësisht gjithçkaje të rinjtë u martuan dhe u bënë prindër të dy binjakeve.
Kur Ademi ndodhej në Greqi, prindërit e keqtrajtonin Besjanën, derisa gjithçka ishte bërë e padurueshme, kësisoj martesa e tyre përfundoi në divorc.
Mirëpo Ademi sërish dëshiron të rikthehet me Besjanën dhe ka ftuar në emisionin në fjalë prindërit e tij, në mënyrë që të kërkojë mbështetjen e tyre publikisht.
“Kohët e fundit ju nuk keni kuptuar anën time shpirtërore dhe ato që kam kaluar pas ndarjes me Besjanën. Unë vazhdoj të ndjej për të, prandaj mos u ndikoni nga fjalët e të tjerëve. I kam bërë një premtim asaj dhe dua ta mbaj”, tha Ademi.
Nga ana tjetër prindërit pohuan se gjatë kohës që kishin qenë të martuar, Besjana e kishte tradhtuar.
“Nëse do të krijosh një familje të re do të të mbështesim me çfarë të kemi, por nëse kthehesh përsëri me të me ne nuk do të keni më punë. Ne të mbështesim për çdo gjë, por që të kthehesh me Besjanën jo, atëherë për ne do të jesh i vdekur”, u shprehën prindërit. /topchannel
