Gjiko dhe Elita janë dy nga çiftet më të dashura të publikut dhe padyshim dhurojnë shumë spektakël sa herë shfaqen publikisht së bashku.
Kështu bënë edhe mbrëmjen e të shtunës që lamë pas në “Shiko kush luna”, megjithatë duket se pyetjet më pikante janë lënë për në “AfterPartyn” e Luanës, rubrika risi e emisionit.
Ndryshe nga sa kemi parë deri tani, intervistën e moderatores e ka realizuar partneri i saj. Kështu, e pyetur nëse pëlqen Gjikon si reperi apo si baba, apo “Gjikon” a “Asdrenin” Elita është përgjigjur pa hezitim që e do Gjikon si në jetën reale, si në atë artistike, pasi të dyja anët e tij e bëjnë atë që ai është në tërësi.
“Seksi para martese apo pas martese?”- ka pyetur reperi, i cili ka marrë këtë përgjigje: “Unë mendoj se pas!”
Por, për kë bëhet më shumë xheloze Elita: për fansat e bashkëshortit të saj apo për personazhet publike? Emm, jo nuk është xheloze për asnjë. Siç ka treguar edhe në intervista të tjera ajo nuk është një partnere xheloze, dhe Gjiko është shumë me fat në këtë anë.
“Surpriza në punë apo surpriza në shtrat?” pyeti Gjiko, duke shkaktuar të qeshura tek të dy, teksa shtoi vetë “Çfarë surprizash mund të bëhen në shtrat?”
Ndër të tjera, Elita tregoi se preferon trëndafilat si dhuratë nga Gjiko, sepse i ka shumë të rralla, duke zbuluar se më shpesh i dhuron bizhuteri.
