Të pakta janë ato raste kur Marina Vjollca zgjedh të veshë diçka tjetër në skenë përpos ngjyrës së zezë.
Por kur e bën, në raste të tilla të veçanta si java e Shën Valentinit, ajo zgjedh një fustan të kuq “Dolce & Gabbana”, që i çmendi të gjithë siç ndodhi të shtunën mbrëma.
https://www.instagram.com/p/B8mLj7IhOtc/
Përmes një kërkimi të thjeshtë online, iconstyle.al zbuloi se fustani vlen minimumi 4 mijë dollarë dhe atë e kanë zgjedhur yje të njohur të Hollivudit për ta veshur në tapetin e kuq!
Një version ngjyrë rozë të tij, e gjen me një vlerë pak më të ulët online, por sërish nuk ka të njëjtin efekt si i kuqi.
Emilia Clarke e veshi fustanin në mbrëmjen gala të revistës “Time”, ndërsa Katy Perry e veshi atë në një ballo të organizuar nga KIIS FM në dhjetor.
Fustani i përket koleksionit të vjeshtës 2019 nga Dolce & Gabbana dhe ka një prerje fantastike që thekson belin e hollë dhe dekoltenë.
Edhe pse e kemi parë këtë fustan në tapetin e kuq në shumë raste, ngjyra, modeli dhe gjatësia mesatare e bëjnë atë të preferuarin për t’u veshur në çdo event tjetër.
/Iconstyle.al
