Vjen në jetë fëmija i Marc Anthony dhe Nadia Ferreira. Nëpërmjet llogarive të tyre në rrjetet sociale, çifti postoi një foto nga ardhja në jetë e fëmijës së tyre të parë së bashku. Sipas postimit, foshnja ka lindur më 18 qershor, një ditë shumë e veçantë për Marc pasi ishte ‘Dita e Babait’.
Marc dhe Nadia postuan një foto bardh e zi. “Koha e Zotit është gjithmonë perfekte”, tha këngëtari. “Gëzuar ditën e baballarëve”, ka përfunduar postimi i tij.
Nuk janë bërë të ditura detaje të tjera rreth lindjes së foshnjës. Gjithashtu nuk dihet nëse foshnja është djalë apo vajzë, diçka që është mbajtur sekret që nga dita që të dy zyrtarizuan shtatzëninë.
Për Nadia, kjo është hera e parë që bëhet nënë, ndërsa për Marcin është hera e shtatë.
Ai ka një vajzë nga lidhja me Debbie Rosado në vitet 1990. Gjatë asaj lidhjeje, këngëtari adoptoi edhe Alexin, djalin e madh të Debbie nga një lidhje e mëparshme, kështu që djali mban mbiemrin Muñiz.
Më pas këngëtari u martua me Dayanara Torres – nga viti 2000 deri në 2004 – dhe pati dy djem, Cristian dhe Ryan. Dhe në martesën e tij të dytë, kur u martua me Jennifer Lopez, ai ka edhe binjakë Emme dhe Max.
