Për herë të parë që nga nisja e epidemisë në vendin tonë, një foshnjë 1 muaj e gjysmë raportohet se është shtruar në spital, për shkak të virusit.
Foshnja ka rezultuar pozitiv me Covid-19 , pasi ka shfaqur simptomat, ndaj është shtruar në shërbimin infektiv në pediatrinë e QSUT-së, raporton Ora News.
Dyshohet se fëmija është infektuar nga e ëma, ndërkohë që pritet të dalë përgjigja e tamponit edhe për të, teksa nuk dihet gjendja shëndetësore e foshnjes.
Edhe më herët Ministria ka raportuar për fëmijë të infektuar, por që nuk kanë shfaqur shenja. Në 24 orët e fundit në vendin tonë janë regjistruar 82 raste të reja me koronavirus dhe 3 persona të infektuar kanë humbur jetën. Harta është zgjeruar në 19 qytete. Po kështu, në spitalin Infektiv po marrin mjekim 78 pacientë, nga të cilët 9 janë në terapi intesive dhe 2 të intubuar.
