Për herë të parë në historinë e vendit, Lidhja Demokratike e Kosovës ka zgjedhur si kandidate për kryeministre për zgjedhjet e ardhshme të tetorit Vjosa Osmanin.
Osmani është një emër i njohur në politikën e vendit, e cila prej kohësh ka qenë aktiviste e LDK-së.
Ajo gjithashtu është pedagoge dhe kujtojmë se në dy mandatet e saj të fundit është deputetja më e votuar në Kosovë.
Vjosa Osmani ka kryer studimet në Fakultetin e Drejtësisë në Kosovë dhe ka ndjekur studimet e masterit në Universitetin e Pitsburg-ut në Amerikë, ku është vlerësuar me çmimin që jepet për kontributin e të rinjve në mbarë botën, “Sheth International Achievement Award”.
Pjesëmarrja e Vjosës si kandidate pë Kryeministrinë e Kosovës është cilësuar si një hap gjigant që do ta çojë përpara zhvillimin e vendit.
