Shumë shpejt, “Vizion Plus” do të sjellë në ekran një show me muzikë, i cili do të bashkojë artistët më të mëdhenj shqiptarë.
Moderatore e këtij programi do të jetë Inger Skura, e cila e ka ndarë vetë lajmin me ndjekësit e saj në Instagram.
Emisioni do të quhet “Këndo këngën time” dhe do të marrin pjesë si artistë të muzikës shqiptare, ashtu edhe talente të rinj.
View this post on Instagram
#KendoKengenTime #seshpejti #vizionplustv #ingerskura #host @skura.inger
Të rinjtë do të këndojnë hitet e artistëve në mënyrë më të stilizuar e bashkëkohore, duke i dhuruar këtyre të fundit emocione gjatë interpretimit.
Siç është bërë e ditur, emrat e artistëve të rinj janë: Fejstina Mezini, Gigliola Haveriku, Anxhela Elmazi, Marjona Metohu, Pier Noshi, Mario Mançelli, Rei Bezhani dhe Gerald Murrja.
Këta artistë do të interpretojnë këngët e Aurela Gaçes, Elton Dedës, Irma Libohovës, Rovena Dilos, Sabri Fejzullahut etj.
Ende nuk dihet se cila është data e nisjes së këtij emisioni, i cili është një risi në Shqipëri.
