Në një intervistë për “Vogue”, ylli i “KUWTK”, Kendall Jenner ka rrëfyer si rrallëherë detaje që s’i kishte zbuluar më herët nga jeta e saj.
Bukuroshja vendosi të flasë pa dorashka për problemet e shëndetit mendor dhe shqetësimet të cilat s’i ka ndarë me askënd.
Ndër të tjera, modelja rrëfeu periudhën më të vështirë të jetës së saj, kur është përballur me ankthin. Asgjë s’ka qenë e lehtë për të, ndaj s’ka mundur të flasë dot në momentin që po kalonte këtë situatë.
“Jam shumë e ndërgjegjësuar për problemet me shëndetin mendor. Nuk më pëlqen që të më mëshirojnë, nuk më pëlqen të flas kur nuk ndihem mirë. Jam pak nervoze. Kur filloj flas për gjëra me të cilat përballem dhe jua bëj të ditur njerëzve të tjerë, atëherë bëhem shumë nervoze.”
Kendall ka pranuar gjithashtu se në momentet më të errëta, mendja i ka shkuar edhe për më të keqen.
“Kisha një kohë kur më dukej sikur duhet të shkoja urgjent në spital. Zemra më dilte vendit, nuk merrja dot frymë dhe kisha nevojë të më ndihmonte dikush. Ndonjëherë më dukej sikur do të vdisja, isha gjithë kohës e tensionuar, e frikësuar.”- ka rrëfyer ajo, duke na hapur zemrën për herë të parë.
