Për herë të dytë në skenën e Sanremos, Ermal Meta ka bërë krenarë të gjithë shqiptarët kudo që ndodhen. Ai këndoi mbrëmë në natën e parë të festivalit italian, duke sjellë një këngë që u kushtohet femrave.
“Vietato morire”, (Ndalohet të vdesësh) titullohet kënga në italisht që jep një mesazh domethënës për mosdhunimin e femrave.
“Mos harro se dashuria nuk të godet kurrë në fytyrë”, është një nga vargjet e këngës së Ermalit që do t’ju emocionojë të gjithëve.
I pyetur nga gazetari i Vanityfair.it, nëse ka pasur një histori të ngjashme dhune, Ermal Meta shprehet:
Të gjitha këngët e mia janë autobiografike, edhe pse nuk jam i aftë për të shkruar. Por unë nuk do të bie në sentimentalizëm, kjo shërben vetëm për të reflektuar në përgjithësi. Subjekti i këngës nuk është dhuna, por mosbindja”, shprehet ai.
Më poshtë mund të shihni videoklipin e këngës së publikuar në Youtube.
