Plot 30 vjeç mbushi Gjiko ditën e djeshme dhe sigurisht në këtë ditë të veçantë nuk mungoi një super festë për reperin, ku morën pjesë miqtë dhe familjarët e tij. Në rrjet qarkulluan menjëherë foto e video nga festa e cila dukej se ishte kuruar në detaje.
Ishte Elita organizatorja e kësaj feste, nga ku pamë se në një kënd ajo kishte vendosur dhuratat për partnerin dhe krahas videos shkruante “30 dhurata për 30 vjet”.
Në tortën e ditëlindjes së tij, reperi kishte shkruar “Fuck you Covid” dhe kishte vendosur një gisht mesi, si për të treguar se i kishte ardhur në majë të hundës me këtë virus.
View this post on Instagram
Por jeni kuriozë se çfarë dhurate i ka bërë moderatorja bashkëshortit të saj? Reperi ka shpërndarë në Instastory dy video duke na zbuluar edhe dy dhuratat speciale të Elitës.
Si fillim ai tregoi se ajo i ka blerë një unazë. Ndoshta nuk është një dhuratë shumë e zakonshme por ishte “ok”. Por, e dini se çfarë dhurate tjetër i ka bërë? Një playstation!
Po, po! E lexuat mirë. Ndonëse shumica e partnereve e urrejnë ‘varësinë’ e bashkëshortëve të tyre ndaj lojërave, duket se ky nuk është rasti i Elitës.
Kjo dhuratë i ka pëlqyer shumë Gjikos i cili në video duket se po fluturon nga gëzimi, teksa miqtë e tyre pyesin me nota humori “Për Gjikon apo për Zërin është kjo dhuratë?”
