Intervista e Harry-t dhe Meghan Markle-s ka tronditur mbarë botën dhe sidomos Pallatin Mbretëror.
Dyshja ka nxjerrë në dritë prapaskenat e errëta të Pallatit, që askush s’i kishte ditur më herët.
Fillimisht, ata zbuluan gjininë e bebushit numër dy. Djali i tyre Archie do të bëhet me motër dhe çifti është në qiellin e shtatë nga lumturia.
Në hyrje të intervistës, Meghan Markle rrëfen se i dukej vetja si personazh i një tregimi, pasi hyri në mënyrë tepër naive në familjen mbretërore, pa mësuar asgjë më herët për ta.
Intervista vazhdoi me rrëfimin e sinqertë të çiftit dhe të vërtetat e bujshme që dolën sheshit, ndërsa e gjithë bota i ka vendosur në qendër të vëmendjes.
Mirëpo, pas kësaj interviste të bujshme, motra e Dukeshës beson se Meghan dhe Harry do të divorcohen.
Në një lidhje direkte për “TMZ”, Samantha Markle tha se Meghan dhe Princi Harry po shkojnë drejt një ndarje nëse nuk marrin ndonjë këshillim serioz dhe nuk kërkojnë falje për të zhbërë dëmin që i kanë bërë familjes mbretërore.
Sipas saj, Harry ndoshta po vë në dyshim martesën e tij me Meghan, ndërsa këtë të fundit e akuzon për gënjeshtra lidhur me intervistën për ‘Oprah’. l l
