Ky sezon i ri televiziv nisi me një energji të re, ndryshime të mëdha e plot risi në ekran.
Të shumta ishin emisionet që ndërruan moderatorët e tyre duke futur emra të rinj, ashtu si “Pop Culture”.
Më herët u mësua se në drejtimin e emisionit do të mbetej Dojna Mema, por e shoqëruar nga 3 vajza!
Anxhela Baxhija, Kejli dhe Kilda do të jenë krah Dojnës përgjatë këtij sezoni, ndërsa emisioni nisi transmetimin në “Top Channel” në datën 14 të këtij muaji.
Në një mini-intervistë nga ndjekësit në InstaStory, Dojna është pyetur se cila ishte arsyeja që kishte zgjedhur 3 femra krah vetes për emisionin.
“Sepse doja të hidhja poshtë klishenë djalë-vajzë/ grua-burrë në prezantim, sepse doja të jepja mesazhin që vajzat bashkë nuk konkurrojnë njëra-tjetrën, por i bashkojnë forcat dhe i japin gjithçkaje që bëjnë tjetër shije.”- shprehet ajo.
Kujtojmë se Kelvi Kadilli, i cili sezonin e kaluar moderonte “Pop Culture” së bashku me Dojnën, këtë sezon të ri do të jetë me Arjola Shehun në “Ora News”.
