Keni dëgjuar për Labradoodle?
Është një lloj race e përzier qensh që janë të dashur dhe të përkëdhelur, por së fundi, krijuesi i tyre i ka quajtur “të çmendur” apo edhe “përbindësh si Frankenstein” që kanë probleme të mëdha shëndetësore.
Në një intervistë të fundit, Wally Conron thotë se krijimi i kësaj race është “keqardhja më e madhe e jetës së tij”.
https://www.instagram.com/p/Bwq48J6nES8/?utm_source=ig_embed
Ai është shqetësuar pasi shumë njerëz kanë nisur të kryqëzojnë raca qensh nga më të ndryshmet duke krijuar probleme shëndetësore për shumë prej tyre.
“Unë hapa kutinë e Pandorës”, tha Wally ABC, “krijova një Frankenstein”.
“Njerëzit tani po krijojnë raca qensh vetëm që të thonë se janë të parët që e kanë bërë”.
Wally, i cili është australian, krijoi Labradoodle në fund të viteve 1980.
Ai mori një letër nga një zonjë e verbër nga Hawaii – burri i së cilës ishte alergjik ndaj qenve me flokë të gjatë. Kështu ai vendosi të krijojë një qen të përshtatshëm për çiftin.
Pas tre vjet përpjekjesh për të gjetur një zgjidhje, në vitin 1989 Wally doli me idenë e “një qeni me aftësitë e një Labradori dhe qimet e një Poodle”.
Në përgjithësi ata që kanë një qen të tillë dhe veterinerët thonë se nuk ka asgjë “të çmendur” te kjo racë, përkundrazi, ata janë të dashur.
Nuk janë qen që sulmojnë dhe aspak agresivë!
/BBC
