Bukuroshja e Hollivudit, Jessica Alba ka rrëfyer një sekret të vogël në lidhje me disa tatuazhe të bëra në trup vite më parë si dhe për frekuentimet nëpër sallonet e bukurisë për të bërë solar trupi.
Aktorja 35-vjeçare e ka pranuar se është penduar për këto tatuazhe të bëra në moshën 18-vjeçare. “Asnjëherë nuk do të jeni në të njëjtin vend emocionalisht dhe mendërisht sikur kur jeni në moshën 18-vjeçare dhe si kur ecni përpara në moshën 20 apo 30″.
Në një intervistë për revistën “Allure”, ku ka folur për projektet e sipërmarrjes së saj, Alba është shprehur se, diçka që është kuptimplotë për dikë në moshën e re, nuk do të ketë asnjë kuptim pas pesë vjetësh. Ajo ka thënë se tani shpenzon më pak kohë për make-up se sa kur ishte më e vogël:
“Unë në fakt vendosja më shumë grim kur isha adoleshente”, është shprehur aktorja. “Vendosja në të gjithë fytyrën dhe unë ndoshta duhet të lyhesha shumë më pak”.
