Stilisti i modës, Zuhair Murad, është kritikuar për përvetësim kulturor, në koleksionin e fundit të “haute couture”.
Koleksioni, i quajtur “Indian Summer” (“Vera Indiane”), u ndikua drejtpërdrejt nga kultura autoktone amerikane, gjë që një numër njerëzish e kanë parë si mungesë respekti, raporton “The Independent”.
Modelet, që ecën me veshjet e koleksionit pranverë/verë 2018, ishin stiluar me pupla në flokët e tyre. Penda e shqiponjës është veçanërisht domethënëse për amerikanët indigjenë, si një simbol i shenjtë i mençurisë, nderit dhe respektit.
Megjithëse shtëpia e modës deklaroi se, “ishte në nder të mjeshtërisë të fiseve të lashta” dhe e solli me qëllimin si, një shenjë admirimi, disa e argumentuan atë si injorantë. Marka shtoi se e vëzhgoi këtë kulturë nga një “perspektivë fantastike dhe të respektuar”.
Krahas pëlhurave të mbuluara me pendë, pasarela ishte zbukuruar me shkopinj të pikturuar në të dyja anët, që i ngjanë një stili tradicional të indianëve amerikanë. Disa veshje gjithashtu paraqisnin modele të frymëzuara në mënyrë të qartë nga fiset indigjene amerikane.
Dizajnuesi libanez pranoi në prapaskenë se, zgjedhja për të nxjerrë në pah kulturën indigjene amerikane, ishte një vendim “i rrezikshëm”, por ai donte të shkonte “përtej kufijve të tij” dhe të vendoste një sfidë.
Burimi: Harper’s Bazaar
