Aludimet vazhdojnë për kandidimin e Joe Biden në zgjedhjet e ardhshme për zgjedhjen e presidentit të ri të SHBA-së në nëntor 2024. Pavarësisht zërave, të cilët donin që Biden të tërhiqej, pas karrierës së tij katastrofike në votime, e cila filloi kryesisht pas performancës së tij zhgënjyese në debatin me ish-presidentin e SHBA-së Donald Trump , fushata e tij këmbëngul se ai do të mbetet kandidati demokrat në nëntor, shkruan Protothema.
Një verion i ri thotë se votuesit ende e mbështesin atë pavarësisht shqetësimeve për moshën e tij dhe se partia “nuk ka plane për një kandidat alternativ”. Gjithsesi donatorët e mëdhenj të demokratëve po e shtyjnë Biden të tërhiqet.
Në një takim të ‘Zoom’ të mbajtur në fillim të këtij muaji pas debatit, midis 75 donatorëve më të pasur politikë demokratë, vetëm njëri tha se besonte se Joe Biden duhet të mbetet në garë. E gjithë pjesa tjetër, sipas CNBC, me të cilën u fol nga një prej pjesëmarrësve në takim, e bëri të qartë se ata besonin se Biden duhet të largohej nga gara nëse partia donte të mposhtte Trumpin në nëntor.
Që nga ai takim, donatorët kryesorë që financojnë ose fushatën e Biden, komitetet e tij aleate të veprimit politik ose partinë në tërësi kanë nisur një fushatë presioni që synon demokratët e lartë si në Dhomën e Përfaqësuesve ashtu edhe në Senat për ta tërhequr Bidenin në pension. Qëllimi i tyre është që t’i bëjnë ligjvënësit që t’i bëjnë thirrje publikisht Bidenit që t’i japë fund fushatës së tij për rizgjedhje. Megjithatë kolapsi i mbledhjes së fondeve të Biden nuk do të thotë domosdoshmërisht shkatërrim i partisë.
