Pas shumë thashethemesh, Marina Vjollca konfirmoi ditën e djeshme se është në pritje të ëmbël për herë të parë. Ajo postoi foto të saj me barkun e rrumbullakosur, duke pranuar publikisht se është shtatzënë.
Moderatorja postoi në Instagram dy foto të saj shumë të veçanta ku dallohej barku i rrumbullakosur. Më vonë po ashtu ajo publikoi një foto me Ghetto Geasyn, i cili shihet duke i përkëdhelur barkun e Marinës.
“Ne të tre”, shkroi ajo përkrah fotos.
View this post on Instagram
Sot ajo ka publikuar të tjera imazhe dhe ka falenderuar të gjithë për urimet e shumta.
“Sa shumë dashuri kemi marr falë urimeve tuaja! Faleminderit nga zemra! Zoti ju bekoftë”, shkruan Marina.
View this post on Instagram
Gjithashtu ajo ka zbuluar se është nisur së fundmi në një udhëtim së bashku me Getoarin. Çifti kanë shkuar bashkë drejt ishullit Sejshell dhe shtatzënia duket se nuk e ka penguar aspak Marinën për të udhëtuar me avion. Në një video ajo ka treguar se ka qëndruar zbathur në avion për shkak se gratë shtatzëna ndihen më komode në këtë formë.
Para se Marina të konfirmonte shtatzëninë, “Prive” raportoi se ajo është në muajin e katërt të shtatzënisë dhe se pret të bëhet nënë e një vajze. Pas këtij lajmi, menjëherë kanë nisur aludimet e ndjekësve se si dyshja mund të ia vendosin emrin të voglës së tyre dhe mbase mund të kenë rënë në “gjurmët” e duhura.
Para disa kohësh, Geti foli për biznesin e tyre me emrin “Marget”, një bashkim i tre shkronjave të para të emrave të tyre dhe po ashtu nuk përjashtoi mundësinë që këtë emër t’ja vendosin fëmijës që do të presin.
Akoma nuk dihet nëse kjo është zgjedhja e tyre për pagëzimin e bebushes që pritet të vijë në jetë, por kjo mbetet për t’u konfirmuar ose jo nga vetë çifti.
