Bashkëshortja e Keith Flint, legjendës së muzikës që u gjet i pajetë dje, thyen heshtjen përmes një postimi.
Mayumi Kai, e cila është një DJ dhe modele japoneze, ndodhej në Tokio kur ylli i grupit “Prodigy” kreu vetëvrasje.
Ajo publikoi në “Twitter” një shkrim të publikuar nga mediat japoneze për ndarjen nga jeta të këngëtarit të njohur.
“Është shumë shokuese dhe e trishtë që të konfirmojmë vdekjen e vëllait dhe mikut tonë të ngushtë Keith Flint”, shkruhej në deklaratën e publikuar nga media, e cila është dedikimi i bërë nga një prej anëtarëve të grupit të tij.
Keith u martua me Mayumi-n në 2006-n dhe më pas u zhvendosën në shtëpinë ku ende jetonte. Ai hoqi dorë nga droga dhe nisi një jetë më të thjeshtë me bashkëshorten, ndërsa filluan të udhëtonin nëpër Europë.
Thuhet se dyshja ishte ndarë pak kohë para se këngëtari të kryente vetëvrasje, ndërsa ai kishte nxjerr në shitje shtëpinë ku jetonte.
Ndërsa nuk dihen arsyet e ndarjes, spekulohet se ishte pikërisht kjo që e çoi drejt depresionit.
Burimi: Mirror
