Një nga temat më të nxehta, e cila është diskutuar gjerësisht jo vetëm në media por në çdo ambient të mundshëm është ajo në lidhje me fatin e Teatrit Kombëtar. Disa prej artistëve kanë qenë skeptikë për prishjen e Teatrit Kombëtar dhe ndërtimin e një të riu dhe madje e kanë kundërshtuar bindshëm këtë.
Mirëpo krybashkiaku Erion Veliaj nëpërmjet një statusi në Facebook na ka treguar se më në fund ka arritur të bëjë një marrëveshje me artistët për nisjen e negociatave për ndërtimin e Teatrit të ri Kombëtar, duke iu dhënë fund gjithë diskutimeve për këtë temë.
Veliaj ka publikuar në Facebook një foto ku shihet së bashku me artistët e njohur, Arben Derhemi, Alfred Trebickën dhe Altin Bashën, të cilët kanë qenë ata që e kanë kundërshtuar më fortë nga të gjithë këtë projekt të ri.
“Kur ka vullnet, ka rrugëzgjidhje! Mirënjohje nga zemra aktorëve, regjisorëve, arkitektëve, inxhinierëve e sidomos sindikatave e protestuesve! Falë kontributit të secilit kemi një marrëveshje më të mirë dhe jemi sot gati të nisim negociatat për një Teatër të ri Kombëtar!”, ka shkruar Veliaj krahas fotos ku shfaqet së bashku me artistët.
Ndërkohë burime pranë Bashkisë së Tiranës kanë bërë me dije për gazetën “Panorama” se në paktin e arritur me artistët pikat kryesore të marrëveshjes janë:
1-Teatër i ri
2-Teatër i ri me 3-fishin e sipërfaqes aktuale
4-Teatër pa kullë
5-Teatër mbi njollën që sot është pronë shtetërore
6-2 artistë pjesë e negociatave
7-Zero lekë nga taksapaguesit
