Ditën e djeshme në mediat rozë qarkulloi lajmi se këngëtari Blero Muharremi dhe e fejuara e tij, Afrona Dika i kanë dhënë fund fejesës së tyre. Një lajm që i habiti të gjithë, pasi dyshja e njohur ka thënë se shumë shpejt do të kurorëzojnë me martesë historinë e tyre të dashurisë.
Lajmi i ndarjes nisi nga fakti që Afrona i kishte fshirë të gjitha fotot me Bleron, si dhe ata nuk e ndiqnin më njëri-tjetrin në rrjetet sociale.
Mirëpo pas këtyre lajmeve ka reaguar Afrona nëpërmjet një statusi në Instagram. Ajo ka publikuar një foto ku shafqet së bashku me Bleron dhe në të ka lënë një dedikim që i surprizoi të gjithë.
“Asnjë lidhje nuk është prefekte. Çdo marrëdhënie ka ulje dhe ngritje. Ata që i kalojnë ato pavarësisht gjithçkaje, janë në një dashuri të vërtetë”, shkruan Afrona krahas fotos.
Me sa duket kjo ka qenë një ndër krizat e radhës, të cilën çifti i njohur e ka kaluar me sukses.
