Duka i Sussex, Harry, ishte i pranishëm në funeralin e gjyshit të tij, Princit Philip, ku takoi për herë të parë familjarët pas skandalit të intervistës së bujshme për Oprah.
Pas funeralit, Harry është rikthyer në shtëpi tek bashkëshortja e tij shtatzënë dhe vogëlushi Archie. Ndërkohë, mendja i ka mbetur sërish tek gjyshi i ndjerë, të cilin e ka nderuar në fjalimin e tij të fundit për Ditën e Tokës.
“Në këtë ditë të Tokës, unë reflektoj në brezat e kampionëve të ruajtjes, përfshirë gjyshin tim të ndjerë, dhe ndihem krenar dhe me energji për të vazhduar të bëj pjesën time në këtë trashëgimi. Këtë vit veçanërisht, unë bashkohem me ekipin e pabesueshëm të Parqeve Afrikane dhe komunitetet në të gjithë botën në përkushtimin e përbashkët për mjedisin tonë dhe mirëqenien kolektive.
Këto peisazhe vitale po ndihmojnë në mbrojtjen e bio-diversitetit të Afrikës, duke shërbyer si një themel për një planet të shëndetshëm dhe duke u dhënë përfitime qindra mijëra njerëzve. Shpresa fillon këtu me vendet që ne po mbrojmë tani për të siguruar një të ardhme të shëndetshme për të gjithë ne.”– ka thënë Duka i Sussex.
Por si është marrëdhënia e Princ Harry-t me Mbretërinë e Bashkuar?
Së fundmi, një nga ekspertët mbretërorë ka thënë se Harry ka pasur një udhëtim të planifikuar për në Londër, në muajin korrik të cilin e ka anulluar. Ai pritej të rikthehet në Mbretërinë e Bashkuar në verë për të prezantuar statujën në nder të mamasë së tij, Princeshë Diana, mirëpo gjithçka është vënë në pikëpyetje së fundmi.
Thuhet se shkak për këtë është bërë pritja e ftohtë e familjes në ceremoninë e funeralit të gjyshit të tij.
Eksperti, Rusell Mayers ka zbuluar për ‘talkRadio’ se disa pjesëtar të familjes janë treguar shumë të ftohtë dhe kjo mesa duket e ka shokuar 35-vjeçarin
