Pas një ndarjeje të gjatë, Stresi dhe Keisi iu rikthyen marrëdhënies së tyre të dashurisë duke lënë pas të gjitha ngjarjet aspak të këndshme që ndodhën që pas lirimit të reperit nga burgu.
Megjithëse larg njëri-tjetrit, reperi tregoi se është çmallur me partneren e tij duke folur me orë të zgjatura në telefon, siç bënin dikur.
Stresi la të kuptohet se ata janë pajtuar dhe ka ndodhur rikthimi i shumëpritur, i cili po përflitej prej kohësh në media.
Pavarësisht kohës së gjatë të ndarë, reperi dhe partnerja vazhdojnë të jenë mbështetësit më të mëdhenj të njëri-tjetrit, siç kanë bërë gjithmonë.
Pasi Keisi e mbështeti në projektet e tij të reja muzikore, ishte radha e Stresit për të bërë diçka të tillë për partneren e tij.
Tashmë që Keisi i është përkushtuar Youtube-it, reperi ka publikuar videon e saj të parë në InstaStory-n e tij.
Sigurisht, Keisi e ka ripostuar këtë foto, ndërsa krahas saj ka vendosur fjalën “My favourite” (i preferuari im), ashtu siç Stresi ia kishte shënuar asaj emrin në telefonin e tij.
Gjërat mes tyre janë në drejtimin e duhur!
