Justin Bieber tashmë ka marrë një vendim të fundit. Ai i është rikthyer sërish skenës, ku është shfaqur mbrëmë në Itali në Festivalin Veror ‘Lucca’.
Bieber u detyrua të anulojë shfaqjet e tij si pasojë e sindromës “Ramsay Hunt”, që i paralizoi pjesërisht fytyrën.
Ai ka publikuar disa foto e video në rrjetin social Instagram, ku ndër të tjera shkruan: “Ju dua dhe më kishit munguar”.
Pas diagnozës me sindromën Ramsay Hunt, artisti i popit Justin Bieber është rikuperuar
Usher më herët, dha një përditësim për gjendjen shëndetësore të Justin Bieber. Këngëtari i R&B Usher dha disa detaje për Justin Bieber ndërsa fliste me njerëzit në “Extra”.
“Si artist, mendoj se ne të gjithë do të përjetojmë disa gjëra që njerëzit mund të mos i kuptojnë domosdoshmërisht, dhe një jetë që vjen me një presion të madh. Unë mendoj se ai padyshim e ka marrë botën si një udhëtim. Jam i lumtur që isha në fillim të udhëtimit të tij dhe jam ende pjesë e tij edhe sot e kësaj dite, si mik. Mendoj se sido që të jetë ai duke e përjetuar tani, është vërtet e mrekullueshme të shohësh se ai ka mbështetjen e fansave dhe familjes së tij.”
