FIFA mori dje vendimin në lidhje me dy futbollistët shqiptarë, të cilët festuan golat kundër kombëtares së Serbisë me simbolin e shqiponjës. FIFA dënoi me një gjobë prej 10 mijë frangash ziceriane Granit Xhakën dhe Xherdan Shaqirin, ndërsa kapitenin e skuadrës së Zvicrës e dënoi me 5 mijë franga zviceriane.
Pikërisht ky vendim ka qenë në qendër të vëmendjes ditën e sotme dhe është komentuar gjerësisht në mediat shqiptare. Madje ka pasur edhe nga ata shqiptarë të cilët kanë qenë të gatshëm të kontribuojnë për të paguar një pjesë të gjobës së dy futbollistëve shqiptarë.
Mirëpo deri më tani kishte munguar një reagim nga ana e Xhakës apo Shaqirit. Pas gjithë kësaj zhurme më në fund ka qenë Xhaka ai që ka reaguar nëpërmjet një postimi në Instagram.
Ai ka publikuar një foto ku shihet i buzqeshur teksa stërvitet për ndjeshjen e ardhshme.
“Ndihen i lumtur dhe i relaksuar. Do bëjmë gjithçka që të sigurohemi të kalojmë në raundin tjetër nesër”, shkruan Xhaka krahas fotos ku shfaqet duke buzëqeshur.
