Shkaktoi jo pak bujë një deklaratë e Albana Osmanit për kolegen e saj Arbana Osmani në emisionin “Shiko kush luan”.
E gjendur përballë lojës së famshme “Paintball” Albana teksa shënjestroi Arbanën tha se nuk ka patur kurrë miqësi mes tyre duke shtuar se asnjëherë nuk e ka kuptuar arsyen përse.
S’ka pas kurrë miqësi dhe nuk e kam kuptuar asnjëherë pse, por…
Sigurisht edhe ju mund ta pyesni veten se çfarë ka ndodhur mes tyre. Me sa kuptuam nuk bëhet fjalë thjesht për një marrëdhënie që nuk është kthyer në miqësi , por për një marrëdhënie të krisur.
Pse? Sepse pasi shënjestroi Arbanën ajo u shpreh:
Ndoshta ngaqë jam pak më e gjatë edhe i shoh gjërat pak më nga lart.
Ups! Një kunjë e mirëfilltë! Për cilat gjëra po flet Albana dhe përse thotë se i sheh gjërat më nga lart?
Nuk mund të themi ç’ka ndodhur mes tyre por me siguri do sqarohet për publikun në vijim, teksa nga Arbana nuk ka ende një reagim.
Mbetet për tu parë nëse do reagojë apo jo, sepse zakonisht ajo zgjedh t’i kalojë në heshtje gjëra të tilla!
Rikujtojmë se gjatë kohës kur Arbana prezantonte “Big brother”, Albana ka qenë prezantuese e “Big Brother Fan Club” por si duket as kjo nuk ka ndikuar në shoqërinë e tyre.
Madje, ato nuk e ndjekin njëra-tjetrën as në Instagram.
Ndonëse prej kohësh nuk e kemi parë në ekran, disa ditë më parë Albana Osmani tregoi se:
Nuk e ndiej veten larg televizionit. Me mendjen time përditë bëj nga një show dhe është më i miri. Çështja është se thjesht nuk e kam gjetur veten se ku do akomodohem. Aty ku isha gjërat ndryshuan dhe thjesht më duhet ose të rivendos raport aty, ose diku tjetër, ta nis në një formë tjetër. Po i peshoj gjërat si të jetë më mirë për mua. U vendosa çmime të larta televizioneve”.
Ndërkohë, bukuroshja shqiptare po shijon suksesin e librit të saj “Chica and the battle against A.I”.
Nga ana tjetër, Arbana Osmani i është përkushtuar familjes dhe djalit të saj që sapo ka sjellë në jetë, Diellit, teksa në shkurt do rikthehet në ekran me emisionin e saj “Dua të të bëj të lumtur”.
