Cara Delevigne ka marrë një vëmendje të madhe së fundmi. Disa foto të saj qarkulluan kudo në rrjet ku modelja shfaqej jo në gjendje të mirë.
Motra e Cara-s, Poppy është parë së fundmi në krah të motrës së saj.
Më herët, një dëshmitar tha: “Pinte duhan dhe fliste e nervozuar në celularin e saj, të cilin e lëshoi në një moment”.
“E gjithë kjo është shumë shqetësuese. Cara ka qenë e hapur për problemet e saj të shëndetit mendor në të kaluarën”, tha një mik i familjes së Cara-s.
“Ajo vjen nga një familje shumë e mirë dhe natyrisht, ata do të mblidhen dhe do të bëjnë gjithçka që duhet për ta ndihmuar”.
“Familja është e shqetësuar qartë për të, prandaj Poppy menjëherë shkoi të ishte me të. Të gjithë janë të shqetësuar për sjelljen e Caras”.
Vite më parë ,Cara deklaroi hapur se si ajo u sulmua seksualisht nga Harvey Weinstein.
Në një deklaratë të publikuar në “Instagram”, ajo tregoi se pas një takimi me Weinstein në hollin e hotelit, ai e pyeti nëse donte të shkonte në dhomën e tij, ku e priste dhe një femër tjetër.
Pas kësaj, ajo u përball me një kërkesë ku duhet të puthte femrën tjetër, gjë të cilën Cara nuk e pranoi.
Kur do largohej nga dhoma, modelja britanike duhet të shmangte përpjekjet e producentit për ta puthur pa dëshirë.
Ajo u njoh me të sepse do kishte një rol në një film, për të cilin ndihet akoma keq që ka marrë pjesë. Duket se 25-vjecarja është prekur nga rasti i denoncimit të tij për përdhunimin e femrave dhe ka bërë disa postime të gjata, duke mbështetur të gjitha femrat që kanë rënë pre e tij.
