Demi Lovato ka publikuar së fundmi videoklipin e këngës së saj “Dancing With the Devil”, në të cilën ka rikrijuar momentin më të errët të jetës, atë të overdozës që për pak i mori jetën. Këngëtarja ka treguar se ky projekt ka qenë shumë i vështirë për të për t’u realizuar.
“Krijimi i videoklipit për Dancing With The Devil nuk ishte xhirimi më i lehtë që kam bërë… Unë bëj art për t’u shëruar dhe frymëzuar të tjerët. Unë jam këtu sot dhe jam e lumtur që edhe ju jeni”, ka shkruar ajo përkrah një video të shkurtër shkëputur nga kënga.
View this post on Instagram
Për videoklipin, që u lançua të premten, këngëtarja ka risjellë gjithë momentet që ka kaluar gjatë dhe pas overdozës, duke mbjatur të njëjtin model flokësh, grim dhe një xhaketë jeshile që ka pasur të veshur atë natë.
Demi ka rrëfyer më herët se çfarë ka ndodhur gjatë asaj mbrëmje të errët në dokumentarin e saj.
“Mora një shishe vere të kuqe atë natë dhe nuk kaluan as 30 minuta para se të merrja në telefon dikë që kishte drogë. Përfundova në një party dhe u ndesha me shitësin e vjetër të drogës të gjashtë viteve më parë. Atë natë mora drogë si kurrë më parë. Jam shumë me fat që jam gjallë”, ka treguar Demi Lovato.
