Ndërsa sezonin e kaluar emisioni investigativ “Fiks Fare” vendosi që të sillte një ndryshim në karakteristikat e velinave, të cilat ishin të dyja brune, këtë sezon i është rikthyer traditës.
Që në fillimet e tij, ky emision u ideua që në studio të mos ishin vetëm dy moderatorët, por edhe dy kërcimtare.
Emisioni, i cili rinis këtë 3 shtator, ka zgjedhur tashmë dy velinat, njëra bjonde dhe tjetra brune.
Kjo e fundit u zbulua nga koreografia Ola Hasani, përmes një fotoje të publikuar në “Instagram”. Velina brune quhet Mariana Shkreta dhe ndoshta nuk do ta kuptonit, që është një imazh i njohur në emisionet e “Top Channel”.
Mariana ka përfunduar studimet në Shkollën e Baletit në Tiranë dhe është balerinë e trupës së baletit të “Top Chanel” prej dy vitesh, saktësisht pjesë e spektaklit “Portokalli”, si dhe është valltare te Teatri i Operës dhe Baletit.
Ajo gjithashtu ka marrë pjesë edhe e spektaklit “Shiko kush Luan”:
“Iconstyle.al” zbuloi pak ditë më parë se velina bjonde quhet Artea Bebri dhe nuk është personazh krejtësisht i panjohur.
Prej disa vitesh, ajo ka qenë e pranishme në botën e modelingut në Shqipëri si dhe e ftuar disa herë në emisione, për të rrëfyer eksperiencën e saj. Ndër të tjera, modelja e agjencisë “Sonny’s Angels”, është e njohur edhe për pasionin e saj ndaj kickbox-it.
Burimi: Iconstyle.al
