Para disa ditësh Loredana udhëtoi drejt jugut të Shqipërisë, ku u takua me disa kolegë të saj. Fillimisht ajo u takua me Ledri Vulën dhe familjen e tij. Po ashtu ajo ndau në rrjete sociale foto me Ylli Limanin, me të cilin përflitet se do të vijë në një bashkëpunim.
Por ajo që ju ka bërë shumë përshtypje të gjithë ndjekësve të reperes ishte fakti se në çdo postim ajo shënonte ishullin grek, Mykonos, si lokacion, ndërkohë që ndodhet në jug të Shqipërisë. Por Loredanës i shpëtoi një detaj që e tradhtoi. Në një postim dallohej targa shqiptare në një makinë, gjë që tregonte shumë qartë se ku ndodhej.
Pikërisht për këtë veprim të saj, Loredana mori shumë kritika nga fansa e kolegë të saj. Enca ishte një nga ato që e ironizoi fare hapur përmes rrjeteve sociale.
Enca publikoi ditën e sotme disa video nga liqeni i Pogradecit dhe përfitoi nga rasti të thumbonte Loredanën. Teksa shprehej e lumtur që ndodhej e vetme duke shijuar liqenin e Pogradecit, ajo shkroi me ironi:
“Në liqenin e Mykonos. Se u ngatërrova”, shoqëruar me emojin e një fytyrë me hundën e rritur, që simbolizon një njeri gënjeshtar.
Dhe më në fund pas gjithë këtyre kritikave dhe ironive, Loredana vendosi të reagonte. Ajo ka publikuar një tjetër video nga Palasa dhe ka zbuluar lokacionin e vërtetë. Përkrah videos së saj ajo ka shkruar: “Shqipëri”, shoqëruar me emojin e një zemre të kuqe. Megjithatë reperja nuk ka shpjeguar ende se pse vendosi të gënjente ndjekësit për vendndodhjen e saj.
