Para disa ditësh, Amazon u akuzua se i detyronte shoferët të urinonin në shishe për shkak të mungesës së kohës për të shkuar në tualet.
“Pagesa e punonjësve me 15 dollarë në orë nuk do të thotë se është një vend pune i jashtëzakonshëm, veçanërisht nëse i detyron të urinojnë në shishe plastike”.
Amazon iu përgjigj këtij statusi me një tjetër status, ku shkruante:
“Ju nuk e besoni me të vërtetë atë gjënë e urinimit në shishe? Nëse do të ishte e vërtetë, askush nuk do të punonte për ne.”
Mirëpo, punonjësit që kanë punuar për ta, pranojnë se kjo është e vërtetë. Në fakt, kompania jo tamam të detyron të urinosh në shishe, por nëse nuk e bën, ti humbet shumë kohë në punën tënde, ul performancën dhe rrezikon ta humbasësh vendin e punës. Ndaj, kjo është zgjidhja më e mirë për shumë punonjës të amazon.
Pasi hodhi poshtë pretendimet e punonjësve për javë të tëra, Amazon më në fund pranoi përgjegjësinë e saj, duke theksuar se mohimi ishte “një autogol”.
“Ne e dimë që ndonjëherë shoferët tanë mund të kenë probleme në gjetjen e tualetit për shkak të trafikut ose ndonjëherë sepse ecin në rrugë në zonat rurale, dhe kjo veçanërisht në periudhën e pandemisë kur shumë tualete publike u mbyllën”, pranoi Amazon.
