U bë thuajse një muaj që këngëtarja shqiptare Venera Lumani nuk ishte aktive në Instagram.
Kjo pasi një turk me emrin Xhengiz i vodhi profilin këngëtares duke ndryshuar çdo gjë, nga bio te fotoja e profilit, përveç emrit kryesor.
Ngjarja ndodhi në fillim të shtatorit, ndërkohë sot, pak orë më parë, Venera njoftoi se e ka marrë sërish Instagramin.
Profili mbetet i njëjti, por këngëtares do t’i duhet të publikojë fotot e këndshme të saj me partnerin Lindin, të cilat u fshinë një muaj para.
Dhe pikërisht në këto ditë që këngëtarët ndodhen me pushime ne Bali të Indonezisë, postimet e njëpasnjëshme e kanë pushtuar Instagramin e Venerës.
“Hello! U ktheva sërish! Kërkoj ndjesë për gjithçka që mund t`ju ketë bezdisur ose fyer gjatë gjithë kësaj kohe nga llogaria ime në Instagram”, shkruan Venera.
Me siguri që numri i postimeve të saj do të rritet çdo ditë e më shumë!
