Kanye West nuk është aq “i pashpirt”.
Reperi amerikan, i cili është në mes të zgjidhjes së divorcit të tij nga Kim Kardashian, u kap mat së fundmi duke u takuar me Juliana Nalú jashtë një studioje në Los Angeles.
Në disa foto që po bëjnë xhiron e rrjetit, dyshja përqafuan njëri-tjetrin, ndërsa u panë duke u puthur përpara se Ye, 45 vjeç, të shkonte brenda për të bërë një intervistë me Billy Bush dhe Nale, 24 vjeçe, të nisej për të bërë një sesion fotografik.
Çifti i ri kishte veshur veshjet e njëjta “Yeezy” me Nalú me një kombinim tërësisht të zi.
Dyshja janë parë edhe më parë në shoqërinë e njëri-tjetrit, në një përpjekje të West për të larguar vëmendjen nga deklaratat e tij të bujshme.
“West “po përpiqet të mbysë titujt rreth antisemitizmit me përmbajtje të tjera”,-u shpreh një burim.
Megjithëse burimet thanë se West po përpiqet të largohet nga komentet antisemite dhe raciste, ai dyfishoi pretendimet e tij gjatë një interviste të fundit me Piers Morgan.
Kur Morgane pyeti reperin nëse ishte penduar për deklaratat e tij, ai u përgjigj: “Jo. Absolutisht jo.”
Më pas ai shtoi se ishte plotësisht i vetëdijshëm se komentet e tij ishin raciste, por u qëndronte atyre.
