Shumë artistë kanë shprehur pakënaqësitë e tyre ndaj çmimeve “Grammy”. I pari që doli publikisht kundër eventit më të madh të muzikës ishte The Weeknd. Artisti i njohur e cilësoi “Grammy” si të korruptuar dhe kërkoi llogari për mënyrën se si vendoset për nominimet dhe ndarjen e çmimeve.
“Grammys vazhdon të jetë i korruptuar. Ju më detyroheni mua, fansave të mi dhe industrisë, transparencë“,shkroi The Weeknd në një postim.
Ndërkohë këngëtari duket se ka mërrë një vendim drastik për ta bojkotuar përgjithmonë çmimet “Grammy”. I pyetur për arsyen që e ka çuar drejt këtij vendimi, këngëtari është shprehur për “The New York Times” se ka disa komitete të fshehta në “Grammy”.
“Për shkak të komiteteve të fshehta. Unë nuk do lejoj më që labeli im të dërgojë këngët e mia në Grammy”, është shprehur artisti.
Këngëtari i fundit që shpërtheu kundër çmimeve “Grammy” ishte Zayn.
“Në djall të shkojë Grammy dhe çdokush që ka lidhje me të. Nëse nuk shtrëngoni duart dhe nuk dërgoni dhurata, nuk konsiderohet asnjë nominim. Vitin tjetër do ju dërgoj unë një shportë ëmbëlsirash”, ka shkruar Zayn me ironi në një postim në “Tëitter” disa ditë më parë.
Ish-anëtari i grupi “One Direction” nuk ka marrë asnjë nominim për çmimet “Grammy” këtë vit. Në fakt ai nuk ka marrë kurrë një nominim nga eventi prestigjioz i muzikës që nga viti 2015, pavarësisht se ka bërë vazhdimisht këngë gati çdo vit.
