Michael B. Jordan u shpall nga revista People si “Mashkulli më seksi për 2020-tën”. Titulli për aktorin u njoftua gjatë emisionit “Jimmy Kimmel Live”.
“Është një ndjenjë e veçantë. Të gjithë bënin shaka, duke më thënë ‘Mike, kjo është diçka që me siguri ti nuk do e marrësh kurrë’. Por është një grup i mirë për t’u bërë pjesë e tij”, tha aktori për revistën.
Ndërkohë Michael rrëzoi nga froni John Legend, i cili nuk ka harruar të reagojë pas marrjes së titullit nga aktori. Ai uroi publikisht Jordan për titullin dhe komenti i tij për veten i ka bërë të gjithë për të qeshur.
“Urime vëllai im Michael B! Dhe faleminderit! Tani mund të vazhdojë të shtojë peshë i qetë nga karantina, pa presionin e një titulli për të mbajtur”, ka shkruar Legend në një postim në Twitter.
Kujtojmë se këto kohë kanë qenë mjaft të vështira për John Legend dhe familjen e tij, pasi bashkëshortja, Chrissy Teigen humbi fëmijën e tretë që priste të vinte në jetë. Çifti i njohur nuk kanë lënë rast pa e kujtuar vogëlushin që prisnin të vinte në jetë dhe madje kanë bërë një tatuazh të njëjtë në nder të tij.
