Çifti Tuna Sejdi dhe Patris Berisha duket se janë duke kaluar një situatë aspak të këndshme këto kohë. Pak ditë më parë “Prive” raportoi se këngëtarja ka fshirë Patrisin nga lista e miqve të saj në “Instagram” dhe e ka hequr gjithashtu edhe nga “Instagrami” i të birit, të cilin ajo e menaxhon vetë.
E njëjta gjë nuk ka ndodhur nga ana e Patrisit, çka na lë të kuptojmë se ndoshta është thjesht një konflikt i momentit. Megjithatë, sot portali njofton se Tuna ka lënë Prishtinën ku jetonte me bashkëshortin dhe të birin, dhe është zhvendosur drejt Shkupit.
Nuk dihet nëse ky largim lidhet me krizën e përfolur mes dyshes, apo Tuna është larguar për t’i shpëtuar pak përditshmërisë në Kosovë dhe klimës së ftohtë atje. Gjithsesi, fansat janë duke pritur me padurim për ndonjë lajm që lidhet me marrëdhënien e saj me bashkëshortin.
