Alvisa dhe Bashkimi ishin çifti i parë që doli nga emisioni i “Për puthën 3”, pas shumë sakrificave, dinamikave dhe skandaleve që ndodhën midis tyre.
Pasi ndarja e deklaruar nga Bashkimi u bë e bujshme, e pasi në emision u fol nga tre konkurrentë (Ana,Edi,Samiu) për tradhti të Alvisës, kjo e fundit ka vendosur të reagojë.
Fillimisht ajo publikoi një story me shkrimin: Ku kanë arrit, të cilën më pas e fshiu.
Ndërsa sot, ajo ka vendosur të shkruaj më gjatë duke konsideruar deklaratat e djeshme në emision si ‘hakmarrje’.
“Për klikime, për audiencë, për vëmendje apo për të prish imazhin tim. Disa njerëz të shpifur që nuk kanë shpirt. Siç e keni parë të gjithë jam rikthyer në emision për këtë djalë dhe kam luftuar pafund për të. Nëse ato mashtrime do ishin të vërteta, nuk kisha arsye pse të kthehesha (audiencë kisha, famë po ashtu kështu që 0 mundësi). Jam rikthyer vetëm për atë dhe kam dashur që ajo njohje të finalizohesh, por jo gjithçka që duam bëhet. Pavarësisht çdo gjëje e vlerësoj shumë. S’kam për ta hedh kurrë poshtë, ashtu siç tha dhe ai. Koha do vërtetoj gjithçka. Zoti është lart. Situata e krijuar, nga kush, pse, hakmarrje? Do flasim me kohë”,– ka shkruar ajo.
