Pasi Gjykata caktoi masën e sigurisë “arrest me burg” për Ritvan Zykaj, ky i fundit është dërguar drejt ambienteve të paraburgimit në Vlorë.
“Panorama” zbulon se Gjykata ka vendosur që ai të qëndrojë i vetëm në qeli, për të shmangur ndonjë përplasje, pasi edhe nuk ka një raport zyrtar të ekzaminimit të tij mendor.
Mësohet se 24-vjeçari nuk ka preferon të dalë nga qelia pas seancës gjyqësore, pasi ka vendosur të qëndrojë i izoluar në qeli gjatë gjithë kohës. Nga ana tjetër, ai nuk i ka thënë “jo” ushqimit.
Edhe në ambientet e paraburgimit, famijarët nuk kanë shkuar ta vizitojnë. Ende mban rrobat, me të cilat u paraqit në Gjykatë, ku një bluzë siç mësohet, familjarët ia kishin dhënë efektivë të Policisë së Vlorës.
As prindërit, as i vëllai apo e motra dhe as ndonjë i afërt tjetër nuk janë paraqitur për ta vizituar atë apo për t’i sjellë ndërresa të tjera.
