Donald Trump, ish-presidenti amerikan njoftoi se do të hedhë në gjyq Facebook-un, Twitter-in dhe Google si dhe drejtuesit e tyre respektivë Mark Zuckerberg, Jack Dorsey dhe Sundar Pichai.
Padia e ish-presidentit vjen gjashtë muaj pasi Trump u pezullua fillimisht përkohësisht edhe më pas përgjithmonë nga të trija platformat.
Trump pretendon se kompanitë e mediave sociale shkelën Amendamentin e Parë duke e pezulluar atë dhe përdoruesit e tjerë nga rrjetet e tyre, një argument që gjykatat zakonisht nuk e kanë marrë parasysh.
Përsa i përket jetës së tij personale, prej kohësh është përfolur se ka pasur probleme në martesën me Melania Trump.
Kohë më parë aludohej se e vetmja arsye që ajo nuk kishte kërkuar divorcin ishte në mënyrë që të mos ndikonte negativisht gjatë zgjedhjeve për president.
Por, duket se asgjë nuk është e vërtetë, pasi mikesha e Melania-s ka treguar së fundmi të kundërtën.
“Isha në makinë me të dhe po vinim nga New York-u. Donald ishte në një ndeshje, e telefonoi dhe e pyeti për diçka. Ajo është telefonata e parë e tij. Ai do aprovimin e saj për çdo gjë. Melania i tregon atij si duhet të jetë, por nga ana tjetër edhe e vlerëson për punën që bën. Kam vënë re se ata shihen me njëri-tjetrin me pasion. Ndryshe nga sa thuhet në media, ata kanë një marrëdhënie shumë të afërt me njëri-tjetrin. Diskutojnë hapur për çdo gjë. Unë nuk i kam dëgjuar një herë të zihen”-tregoi Stephanie Winston në “Hollywood Life Podcas.
